تبلیغات
آذربایجان،آنا وطن - محمد امین رسولزاده شرق دونیاسینین بیرینجی جومهور باشقانی
قالب وبلاگ قالب وبلاگ

آذربایجان،آنا وطن
 
qaflansəsi- قافلان سسی به علت تغییر آى پى صحفه اول وبلاگ توسط مخابراط دسترسى حتى با فیلتر شكن ممكن نیست،براى

به وبلاگ من خوش آمدید
 
آذربایجان میلی ایستیقلال حرکاتی نین و شرقین ایلک جمهوریتی آذربایجان دئموکراتیک جومهوریتی نین تمل داشینی قوران؛ حیاتی، زنگین حادیثه لرله دولو بیر داستانا چئوریلن، اؤلومسوز لیدئر محمد امین رسولزاده 1884، یانوارین 31-ده باکی نین نووخانی کندینده آنادان اولموشدور.


آتاسی دین خادیمی اولسا دا،حیاتا آچیک گؤزله باخمیش، مکتب یاشینا چاتمیش اوغلونو شرعیت درسلرینی دئییل دونیوی علملر اؤیرنمه یه یؤنلندیرمیشدیر. اونون،اوغلونو مشهور پئداقوق ج.م قنیزاده نین مودیر اولدوغو ایکینجی " روس-موسلمان " مکتبینه قویماسی گله جک موتفککیرین طالعیینده موهوم رول اوینامیشدیر. بورانی بیتیردیکدئن سونرا م.ا. رسولزاده اؤز تحصیلینی باکی تئخنیکی مکتبینده،روس دیلینده داوام ائتدیرمیشدیر. اونون اینقیلابی فعالیتی نین ایلک دؤورو ده محض بو دؤوره تصادوف ائدیر. 1902-جی ایلده 17 یاشیندا اولان م.ا. رسولزاده " موسلمان گنجلیک " تشکیلاتینی یاراتمیشدیر. بو ییرمی عصرده آذربایجاندا روس موستملکه سینه قارشی موباریزه آپاران ایلک سیاسی تئشکیلات ایدی. بیر آز سونرا " موسلمان دئموکراتیک " موساوات " جمعیتی " ادی ایله گیزلی فعالیت گؤسترن بو تشکیلاتین بیر قولو دا ایراندا قورولموش و بورادا باشلایان مشروطه اینقیلابینا ایستیقامت وئریجی رهبر قوووه یه چئوریلمیشدیر.م.ا. رسولزاده ادبی یارادیجیلیغا دا بو ایللرده باشلامیش، " موخممس " آدلی ایلک " شرقی روس " قزئتینده چاپ اولونموشدور.1904-جو ایلین آخیرلاریندا " هوممت " تشکیلاتی یارانمیشدیر و بو تشکیلاتین بانیلریندن بیری ده م.ا. رسولزاده اولموشدور.تشکیلاتین " همت " آدلی قزئتی ده چاپ ائدیلمیش و بو قزئتین ناشیرلریندن بیری ده م.ا.رسولزاده اولموشدور. 1906-جی ایلدن قزئت " تکامول " آدی ایله چیخیر. همین ایللرده باکی نئفت معدنلرینه و آذربایجانین آیری آیری بؤلگه لرینه اینقیلابی اینتیباهنامه لرین، قزئتلرین چاتدیریلماسی دا رسولزاده نین ادی ایله باغلیدیر.موعین مودت او " ایرشاد " قزئتی نین مووققتی رئداکتورو اولموشدور. 1907-جی ایلده چیخمیش گله جگین بؤیوک بسطکاری او. حاجیبیووون " تورک-روس و روس-تورک لوغتی " کیتابی نین دا ناشیری م.ا. رسولزاده اولوب.1908-جی ایل دئکابرین 5-ده م.ا. رسولزاده نین " قارانلیقدان ایشیغا " آدلی پیئسی صحنه یه قویولدو.پیئسین آنا خطی اویانیش و ایستیقلال حرکاتی نین تبلیغی تشکیل ائدیردی. او اؤزونون بو اثری ایله آذربایجانا موختاریت شوعاری فیکرینی یایماغا باشلامیش وئ روس چاریزم اوسول ایداره سی ایستیبدادینی ییخماغا چاغیریردی.بو اثردن باشقا م.ه. رسولزاده نین همین ایلده یازدیغی " ناگاهان بلا " اثری واردیر.1908-جی ایلین آخیریندا م.ه. رسولزاده چار اوسول-ایداره سی طرفیندن اونون حبسی تهلوکه سی ایله علاقه دار اولاراق باکینی ترک ائده رک ایرانا یولا دوشور. او،ایراندا شاهلیق اوسول ایداره سینه قارشی باشلامیش مشروطه اینقیلابی نین رهبرلریندن بیری اولور. م.ا. رسولزاده تبریزده خالقیمیزین میللی قهرمانی ستترخان و سیلاحداشلاری ایله گؤروشور.جنوبی آذربایجا نین شهر و کندلرینی گزیر، اؤز دوغما خالقینین آجیناجاقلی وضعیتینی یاخیندان موشاهیده ائدیر. بو موشاهیده لر سونرالار اونون یارادیجیلیغینا دا تاثیر ائدیر.چار حؤکومتی ایرانداکی اینقیلابی حرکاتدان قورخویا دوشه رک،اونون رهبرلریندن بیری اولان م.ا. رسولزادنی اؤلکه دن چیخارماغی شاهلیق اوسول ایداره سیندن طلب ائدیر.م.ا.رسولزاده تعقیبلردن یاخا قورتارماق اوچون ایستامبولا موهاجیرت ائدیر. او،تورکییه نین پایتاختیندا همیئرلیلری علی بی حوسئینزاده و احمد بی آغایئوله گؤروشموش، یوسیفبی آکچوراوغلو ، زییا گؤکالپ و باشقا گؤرکملی عالیملرله یاخینلیق ائتمیشدیر.1911-جی ایلده فعالیته باشلایان " تورک یوردو " درگیسی نین فعال یازارلاریندان اولموشدور. اونون بو درگیده بیر نئچه مقاله سی چاپ اولونموشدور. بونلاردان " ایران تورکلری " مقاله سی داها چوخ ماراق دوغورور.1913-جو ایلده رومانوولارین 300 ایللیگی ایله علاقه لی عفوی-اومادان سونرا باکییا قاییدیر.او، هله ایستامبولدایکن اونون گؤستریشی ایله کئچمیش هوممتچیلر طرفیندن اساسی قویولموش " موساوات " پارتییاسینا داخیل اولموش و اونون رهبرلریندن بیری اولموشدور.1914-جو ایل سئنتیابرین 16-دا شاعیر.ژورنالیست ویازیچی الابباس مونزیبین رئداکتورلوغو ایله آیدا ایکی دفعه چیخان " دیریلیگین " درگیسی نین ایلک سایی چاپدان چیخدی. رسولزاده نین " دیریلیک ندیر؟ " آدلی باش مقاله سی درگینی ایدئیاسینی موعینلشدیریر و خالقیمیزی میللی اویانیشا چاغیریردی.م.ا. رسولزاده 1915-جی ایلین آوقوستوندان " آچیق سؤز " قزتینی نشر ائدیر کی، بو دا گیزلی فعالیت گؤسترن " موساوات " پارتییاسی نین اورقانی ایدی.1917-ده فئورال بورژوا اینقیلابی باش وئردی.بؤیوک روس ایمپئرییاسی داغیلماغا اوز قویموشدو. اسن آزادلیق مئهی موستملکه حالیندا اینله مکده اولان خالقلاردا اؤز موستقیل دؤولتلرینی قورماق هوه سی قالدیرمیشدی.1917یجی ایلین ایکینجی یاریسیندا " موساوات " پارتییاسی ایله " تورک عدم مرکزیت " پارتییاسی بیرلشیب " تورک عدمی مرکزیتی پارتییاسی " موساوات " آدی آلتیندا چیخیش ائتمه یه باشلادی.اونون شؤعبه لری نینکی آذربایجا نین بوتون بولگه لرینده،همچنین اوکراینا،گورجوستان،روسییا،تورکیستان و ایرانین بیر چوخ شهرلرینده تشکیل ائدیلمیشدی.1917-جی ایل اوکتیابرین 26-دان 31-نه دک 500 نوماینده نین ایشتیراکی ایله باکیدا طنطنه لی شکیلده کئچیریلن " تورک عدمی مرکزیتی پارتییاسی " موساوات " این بیرینجی قورولتایی کئچیریلدی و رسولزاده همین قورولتایدا مرکزی کومیته نین صدری سئچیلمیشدیر. همین دؤور خالقیمیزین تاریخینه میللی آذربایجان حرکاتی کیمی داخیل اولموشدور.1918-جی ایلین مایین 26-سیندا زاقافقازییا سئیمی داخیلی چکیشمه لر نتیجه سینده داغیلدی.همین آیین 27-ده موختلیف پارتییالارین عوضولریندن عیبارت میللی شورا یاراندی و م.ا. رسولزاده سس چوخلوغو ایله میللی شورا نین صدری سئچیلدی.1918-جی ایلین مایین 28-ده بوتون اؤلکه لرین رادیوستانسییالاری و قزئتلری آذربایجان ایستیقلالیتینی بوتون دونیایا یایدیلار، م.ا. رسولزاده نین قوردوغو آذربایجان دئموکراتیک جومهوریتی نین عؤمرو قیسا جمعی 23 آی اولماسینا باخمایاراق آذربایجان خالقینا موستقیللیگین شیرین دادینی داددیردی. بو دؤولتین روس کوممونیست ایمپئرییاسی طرفیندن سقوطا یئتیریلدیگیندن،1920 ایلین آپرئلیندن دا ایکینجی موسقیللیک دؤوروموزه دک آذربایجان خالقی او ایستیقلالین عشقییله یاشادی.

gunazport





طبقه بندی: فرهنگی و هنری و اجتمایی،  اخبار،  آذربایجان،  ایران،  مشاهیر، 
.: Weblog Themes By Pichak :.


تمامی حقوق این وبلاگ محفوظ است | طراحی : پیچک
قالب وبلاگقالب وبلاگ