تبلیغات
آذربایجان،آنا وطن - كرار جاسیم : تبریزده توركلر یاشاییرلار ــ آیدین ک
قالب وبلاگ قالب وبلاگ

آذربایجان،آنا وطن
 
qaflansəsi- قافلان سسی به علت تغییر آى پى صحفه اول وبلاگ توسط مخابراط دسترسى حتى با فیلتر شكن ممكن نیست،براى

به وبلاگ من خوش آمدید
 



تبریز سسی : خبرلره گؤره كرار جاسیم بئش اویوندان محروم اولوندو. البته دئییلن آلتی آیلیق محروملوق شایعه‌سینه گؤره پیس دئییل. اوچ اویون كی محروم ایدی قالدی ایكی اویون. قیرمیز كارتی‌نین جزاسی آیری حیسابلانسا قالار دؤرد اویون. آما فیكیر ائلیرم بو اویونلاری كرارسیز دا اوتماق اولسون.

 

هر حال‌دا كرار جاسیمین جزالانماسیندا هئچ شك و شوبهه یوخدور، آما بو آرادا نه‌دن آراجی‌نین(داورین) یانلیشی و پیروزونون اویونچوسونون آتدیغی یومروغو و سونرا اؤزونو یالاندان یئره آتماغی گؤزلردن قاچیریلیر چوخ تعججوبلودور. من بیلمیرم تیراختور سوروملولاری دئییرلر بیز اعتراض ائتمه‌یه‌جه‌ییك.

 

فوتبول فئدراسیونو كسینلیكله عدالت و انصاف ایله بو قونویا توخونماییر و تیراختورون یانداشلارینین قارشی‌سیندا دورابیلمه‌مك ایچین گلیر تیراختورون اولدوزون جزالاندیریر. بو اولایلار گون گونه باعیث اولور كرار جاسیمین محبوبیتی آزربایجان‌دا آرتسین. ائله اولور كی كرار اوینامایان یاریشلاردا، تاماشاچیلار اونو شیددت ایله آلقیشلاسینلار. بو دا قالسین كی تیراختورون سوروملولاری یانداشلارین كرار جاسیمین قوجاقلاماسی‌نی تبلیغ ائتمك یئرینه ناشی‌لیق گؤسته‌ریب، لیدئرلرین الینه صندلی و گول وئریر دئییر گئدین مئیدان قیراغیندا "كرار كرار" سسله‌یین. تیراختورون فورصت آختاران دوشمانلاری‌دا(90 كیمی وئرلیشلر) بو ایشی تیراختور یانداشلاری‌نین آراسیندان قاینایان(خودجوش) بیر ایش بیلمه‌ییب، اله‌ سالیرلار! حالبوكی بیز كیمی هئچ یانا باغلی اولمایان یانداشلار، صندلی  سیندیرماغین گوناهی‌نی كرارین یئرینه بوینوموزا آلمیشدیق و اونون عوضینه خیسارت وئرمك اؤنری‌سی‌نی(پیشنهاد) وئرمیشدیك (گوناه بیزده، كرار دا یوخ).

 

كرار تیراختور - پیروزی اویونوندان اخراج اولوندان سونرا سویونما تونئلی‌نین آغزیندا دوروب اویونا باخیردی. پولیسلر اونا  دئیه‌ند گئت ایچه‌ریدن باخ و اونون اوردان بویلایا-بویلایا باخماغی اصرار ائتمك فیلمینده او چتینلیک ایله "فارسجا" دانیشیردی. او فارسجا دانیشاندا بئله فیكر ائدیردیم كسینلیكله كرار و تیراختورون باشقا اویونچولاری تیراختورون دیل و كیملیك قونوسوندان خبرلری واردیر؛ ائله بیر ایكی آی بوندان قاباق، کرار قول ووراندان سونرا گلیب آزربایجان رقصی ائتمه‌یی بونو اونایلاییر(تایید ائلیر). هر حال‌دا تاخیمین مورببی‌سی و چوخلو اویونچولاری فارس‌دیللی‌دیرلر یا دا تورك دئییللر و ایلیشكی قورماق دیلی‌ده اونلار ایچین فارسجادیر. آما چوخ كؤنلوم وار ایدی بو قونودا كرار جاسیم‌دن بیر سؤز گؤرم. آما خوب نه بیز اونونلار گئدیب موصاحیبه ائده بیلیریك و نه حرفه‌ای ژورنالیستلر و مئدیادا چالیشانلار بو ایشلرین دالیسیجادیرلار. بوگون بئینیمه ووردو گئدیب عرب وعیراق سایتلارینی آختارام. البته بوندان قاباق آختارمیشدیم آما كرار جاسیمین تراكتورسازی نادی‌سینده اویناماق‌دان سونرا ده‌یه‌رلی بیر خبر گؤرمه‌میشدیم. عیراقین الفرات شبكه‌سی‌ده تكجه كرار جاسیم قول ووروب وورماماغیندان دانشیردی. بیر دنه عربجه دانیشیغین گؤردوم آما باش چیخارتمادیم. آما بوگون چوخ جالیب بیر موصاحیبه تاپدیم! ائله اؤزوم ایسته‌یه‌ن ایدی. سانكی 2011 آسیا میللتری یاریشلارینا آماده اولماق ایچین اوردو وورماق و باشقا یاندان كرار جاسیمین تراختور دا پارلاماغی و یوخاری‌دا یازدیغمیز یارانمیش حاشیه‌لر بو فورصتی یاراتمیشدیر. موصاحیبه‌نی قوقولون دیلمانجی‌نین یاردیمی ایله عرب دیلیندن توركجه‌یه چئویردیم:

 

كرار اؤز قلبی‌نی ایرانلی تاخیمین یانداشلارینا آچدی

كلامكم نور:  كرار دئه گؤرك ایران لیگینده اویناماق نئجه دیر؟ اورادا راحات‌سان؟

-كرار: واللا چوخ راضی و راحاتام؛ چون بیزیم یانداشلار فوتبولو چوخ سئویرلر(حتی دئمك اولار فوتبول چیلغینی‌دیرلار)!

 

-كلامكم نور:  تراختوردان باشقا تیمه فیكر ائدیرسن یوخسا یوخ؟

-كرار: من آچیقجا دئمیشه‌م ایران‌دا تراختوردان باشقا هئچ تاخیما گئتمه‌رم، آنجاق شرایط ده‌ییشیله‌بیلر...

 

-كلامكم نور: سوناجاق بئله اولاجاق؟ پول نظری‌نی ده‌ییشه‌بیلر؟

-كرار: یوخ! ترسینه. كلوب حاضیردیر نه‌قدر ایسته‌سم وئرسین؛ عربیستان و اماراتا گئتمه‌یه‌ده ماراقلانا بیله‌رم.

 

-كلامكم نور: بیزه سون اویون‌دا كی عصبی اولماق و اخراجیندان دانیش.

-كرار: واللاه منه ظولم اولدو. من انضباطی كمیته‌یه‌ده گئدیب و ویدئو ایله دئدیم كی منیم تقصیریم یوخ‌ایدی. حتی دوخسان وئرلیشینده ایسه بیلیندی گوناهسیزام. آما ایسته‌ییردیلر منی بیر ایل یا دا بو اوران‌دا(بو نیسبت‌ده) اویناماق‌دان محروم ائتسینلر. آما اونلارلا آنلاتدیم كی آرالاشدیران اویونچولارین بیری‌سی‌نین الی اونا ده‌یدی و بونا گؤره قرار وئردیلر لاپ چوخ منی ایكی آی آسیا یاریشلاری‌نین سونا قدر جزالاندیرالار.

 

-كلامكم نور: فارسجا اؤیرنمه‌یه چالیشیرسان؟

-كرار:  واللا تبریز منطقه‌سینده توركلر چوخونلوق‌دا(اكثریت‌ده) دیرلار و دیللری‌ده اولدوقجا چتین‌دیر و هله یاخشی منیمسه‌مه‌میشم(مسلط دئییلم)!

 

-كلامكم نور: بو اوزون ساچلارین ناغیلی نه‌دیر؟

-كرار(گولومسه‌ییر دئییر): واللا اوزون ساچ یانی (اؤزوده اؤز سؤزونه اینامی یوخ!) ... من، ائویمیزده‌کی‌لر و اوغلوم حیدووری‌نین(حئیدرین) ساچی منینکیندن ده اوزون، و من اوزون ساچی سئویرم!

 

-کلامکم نور: قروپونوزدان(آسیا یاریشلاری) هانکی تاخیملار ایکینجی تورا یول تاپاجاقلار؟

-کرار: آرخایینام اؤلکه‌م(عیراق) و ... امارات...!

 

-کلامکم نور: سن اماراتی ایره‌لی سوردون؛ آما من دئدیم بکلنتی‌لر(توقعات) نه‌دیر، دیلکلر(آرزیلار) یوخ!

-کرار: واللا گرچک آدایلار عیراق و ایران‌دیرلار.

 

-کلامکم نور: ایرانین اؤندر اویونچولاری کیم‌لردیلر؟

-کرار: اسپانیا لیگیندن اویونچولاری وار.. نئکونام و شجاعی؛ بو ایکی اویونچو ائتکی‌لی‌لریدیر و تاخیما آرتیریلاجاقلار. بیرچوخونون آدلارینی بیلمیرم؛ تانیدیقلاریمین آراسیندا ایستیل آذینین 9 سایی‌لی فوراوردی، استقلالین قوروجوسو، و سیپاهانین قاپی‌چی‌سی رحمتی واردیلار. نوصرتی‌نی لاپ یاخشی تانیرام و تیموریان‌دا آزاد اولان زامان اؤنملی اویونچودور.

 

-کلامکم نور: هانسی یئر ده اوینایاجاسان؟

-کرار: واللا هر یئرده اوینایابیله‌رم.

 

-کلامکم نور: عیراق‌دا هارالی‌سان؟

-کرار: نجف اشرف.

 

-کلامکم نور: کاپتان کرار‌ین سینه گئنیشلیگیندن(سعه صدر)، و نئچه دقیقه واختیندان بیزه وئرمه‌یه گؤره تشککور ائدیریک.

-کرار: سیزده ساغ اولون.

 

*-مصاحبه ائدن سایتین آدی "منتدیات النادی الایرانی(ایرانلی تاخیم یانداشلاری)"‌دیر. قایناق: اللاعب العراقی كرار جاسم یفتح قلبه لمنتدیات النادی الإیرانی

 

آنا یوردوملا وئبلاقی





طبقه بندی: ورزشی،  اخبار،  فرهنگی و هنری و اجتمایی،  ایران،  آذربایجان، 
.: Weblog Themes By Pichak :.


تمامی حقوق این وبلاگ محفوظ است | طراحی : پیچک
قالب وبلاگقالب وبلاگ