تبلیغات
آذربایجان،آنا وطن - اورمــــــــو گولو
قالب وبلاگ قالب وبلاگ

آذربایجان،آنا وطن
 
qaflansəsi- قافلان سسی به علت تغییر آى پى صحفه اول وبلاگ توسط مخابراط دسترسى حتى با فیلتر شكن ممكن نیست،براى

به وبلاگ من خوش آمدید
 
نوشته شده در تاریخ 1389/11/10 توسط AYDIN

سایا گلمز طبیعی ثروتلری ایله آذربایجانین قلبینده پارلایان اورمو گؤلو دونیانین ان زنگین قایناقلاریندان ساییلماقدادیر. تأسوفلرله كئچن ایللرده موختلیف دؤولتلرین غئیری معقول شوعارلارلا ایجرایا قویدوقلاری ایقتصادی، صنعتی و ...سیاستلری نتیجه سینده آذربایجانین ایقتیصاد، صنعت و توریسم ساحه لرینده سورونلاری حل اولمادیغی حالدا یانلیش و تبعیضلرله یاناشی سیاستلر آذربایجانین صنعت و تاریخی بینالار و یاشام چئوره سینه آغیر خسارتلر یئتیرمیشدیر.اكو سیستم باخیمیندان اورمو گؤلونون اؤنملی رولو و تأثیری دانیلمازدیر. كئچن ایللرده اورمو گؤلو كؤرپوسونون قورولماسیندا اوزدن ایراق اؤلكه موتخصیصلرینین تكنیكی و موهندیسی سهولرینین نتیجه سینده بؤلگه نین اكوسیستم و طبیعی قایناقلاری آغیر زییانلار گؤرموش دئییلن سهولرین آردیندان بؤلگه نین قیمتلی داش معدنلری و اكینه جك یئرلری تخریب ائدیلمیشدیر. اكوسیستمین پوزولماسی ایله هر ایل اورمو گؤلونون میلی پاركلاریندا مینلرجه كؤچری قوش و ساییر حئیوانلار یاشاملارینی ایتیریر. قیمتلی معدن داشلارینین گؤله دولدورولماسی سویون آخیمینی ائتكیله میش و غئیری اصولی سدلر قاییرماق ایشی گؤزل اورمو گؤلونو بؤیوك فاجیعه ایله اوزلشدیرمیشدیر. بونلا بئله بوگون آذربایجانین دیرلی و دونیانین ان دوزلو گؤللریندن ساییلان اورمو گؤلونون اؤلومونه شاهید اولوروق.تأسوفلرله بوگونه دك اؤلكه مسئوللاری نین قوردوغو تبلیغ ماهیتلی اوتوروم و مراسیملری، ائله جه ده یاشام چئوره سی مؤضوعسو ایله باغلی فعالیت گؤسترن موختلیف قروپلارین چالیشمالاری موثبت نتیجه وئرمه میش و اورمو گؤلو حیاتینین سونونا وارماقدادیر. بو آرادا شوبهه لی سیاستلر واسیطه سییله اؤلكه نین شورانلیقلاری آبادلاشدیریلیب و آذربایجان ایسه شورانلیغا چئوریلمكده دیر. بو كیمی دردلری یاشادیغیمیز حالدا محلی مسووللار اؤزللیكله غربی و شرقی ایالتلری نین ایسلامی شورا مجلیسینده اولان میلت وكیللری اؤز قروپلاری و شخصی منفعتلرینین قورونماسییلا مشقولدورلار.ایندییه دك ایسلامی شورا مجلیسینده اولان آذربایجانلی وكیللردن هانكیسی مجلیسده اورمو گؤلونون قوروماسی و فاجیعه لی دوروموندان سؤز آچمیشدیر؟ ایندییه دك غربی، شرقی آذربایجان، اردبیل و زنجان ایالتلرینین مسئوللاریندان هانكیسی اورمو گؤلونون اؤلومونو گؤره رك بو بؤیوك دردین سسینی تهرانین قولاغینا چاتدیرماق ایسته میشدیر؟ ال – الوان سئمینارلاردا تلویزیون كمیرالاری قارشیسیندا گؤزل سؤزلر دانیشماقلا اورمو گؤلونو اؤلومدن قورتارماق مومكوندور مو؟ گؤزل اورمو گؤلو اؤلدویو حالدا بو و بو كیمی اونلارجا سورغو آذربایجان میلتینی سارسیتماقدادیر.بیلگیلریمیزه گؤره دیرلی تیراختور فوتبال تاكیمینین طرفدارلاری گؤزل و لاییق بیر ایش گؤرموش و چئوره گونو (13 فروردین) – ده آذربایجان میلتیندن قیرمیزی پارچا و سو بارداقلاری ایله اورمو گؤلو ساحیللرینده حاضیر اولماغی ایسته میشلر. اونلار بو واسیطه ایله اورمو گؤلونون قوروماسی فاجیعه سینی اؤلكه و محلی مسئوللارا چاتدیرماق ایسته ییرلر.بیز اورمونون بیر سیرا مدنی فعاللاری، یازارلار، قزئته چیلر و بیلیم یورد اؤیره نجیلری اولاراق تیراختور فوتبال تاكیمی نین طرفدارلارینین موراجیعتینی دستكله ییر و بوتون آذربایجان سئورلردن عاییله وی شكیلده فروردین آیینین 13 –ده (چئوره گونونده) ساعات 12 – ده قیرمیز پارچالار و سو بارداقلارلا اورمو گؤلونون كؤرپوسو و اطرافیندا حاضیر اولوب فرهنگی مراسیملر قورماقلا یاناشی  بؤلگه نین تمیزلنمه سینده فعال ایشتیراك ائتمه لرینی ایسته ییریك. اومید ائدیریك كی بو واسیطه ایله اورمو گؤلونون نجاتی اوغروندا اؤلكه و محلی مسوولاری اویارمیش اولاجاغیق.





طبقه بندی: عمران و اقتصاد،  اخبار،  ایران،  آذربایجان، 
.: Weblog Themes By Pichak :.


تمامی حقوق این وبلاگ محفوظ است | طراحی : پیچک
قالب وبلاگقالب وبلاگ